இடைத்தேர்தலில், பேனர் வைப்பதிலும் தேர்தல் நடத்தை விதிமுறைகள் பின்பற்றப்படும்: தலைமை தேர்தல் அதிகாரி

Sep 25, 2019 05:49 PM 131

நடைபெறவுள்ள இடைத்தேர்தலில், பேனர் வைப்பதிலும் தேர்தல் நடத்தை விதிமுறைகள் பின்பற்றப்படும் என்றும் நீதிமன்றம் பிறப்பித்த உத்தரவுகளை மாவட்ட ஆட்சியர்கள் பின்பற்றுவார்கள் என்றும் தலைமை தேர்தல் அதிகாரி சத்யபிரதா சாஹூ தெரிவித்துள்ளார்.

சென்னை தலைமை செயலகத்தில் செய்தியாளர்களிடம் பேசிய அவர், தேர்தலுக்காக ஒட்டப்பட்ட 215 சுவரொட்டிகள் அகற்றப்பட்டுள்ளன எனவும், இது தொடர்பாக 8 வழக்குகள் பதிவு செய்யப்பட்டுள்ளதாக தெரிவித்தார். தேர்தல் பார்வையாளர்கள் விரைவில் அறிவிக்கப்படுவார்கள் என்றும், விக்கிரவாண்டி,நாங்குநேரியில் 18 பறக்கும் படைகளும், நிலையான கண்காணிப்புக்குழுக்கள் செயல்பட்டு வருகின்றன என தெரிவித்துள்ளார். மேலும், இடைத்தேர்தல் நடைபெறவுள்ள 2 தொகுதிகளில் இதுவரை 2 பேர் மட்டுமே வேட்புமனுதாக்கல் செய்துள்ளதாக குறிப்பிட்ட சாஹூ, விக்கிரவாண்டி, நாங்குநேரி இடைத்தேர்தல் தொடர்பாக தேர்தல் அதிகாரிகள் மற்றும் மாவட்ட காவல்துறை அதிகாரிகளிடையே வீடியோ கான்பிரன்சிங் மூலம் ஆலோசனை நடைபெறவுள்ளது எனவும் கூறினார்.

Comment

Successfully posted